Demalys kúnderi Mańǵystaýda 39 gradýs ystyq bolady

NUR-SULTAN. QazAqparat - Qazgıdromet RMK aldaǵy demalys kúnderine arnalǵan aýa raıy boljamyn jarııa etti, dep habarlaıdy QazAqparat.

Maýsymnyń ortasy bolsa da, respýblıkamyzdyń soltústik jartysynda kún raıy salqyn. Bul oblystarda aldaǵy demalys kúnderinde naızaǵaı oınap, jańbyr jaýady. Kúndizgi aýa temperatýrasy - plıýs 10...20 gradýs shamasynda.

Mundaı aýa raıy Barents teńizi aımaǵynan Qazaqstanǵa úzdiksiz aǵylyp jatqan sýyq aýa massalar aǵynymen jáne sýyq arktıkalyq frontpen baılanysty. Sondyqtan respýblıkanyń basqa aımaqtarynda da osyndaı turaqsyz aýa raıy kútiledi. Naızaǵaı men jaýyn-shashyn bolady. Biraq munda kún jyly. Batys, ońtústik jáne ońtústik-shyǵysta jańbyrǵa qaramastan, kúndiz aýa temperatýrasy 25...33 gradýsqa deıin jylynady. Al Mańǵystaý oblysynda kún ashyq. Óńirde 30...39 gradýsqa deıin ystyq bolady.