Demalys kúnderi Qostanaıda 4 adam sýǵa ketti
QOSTANAI.QazAqparat — Ótken demalys kúnderi Qostanaı oblysynda tórt adam sýǵa ketti, dep habarlaıdy QazAqparat TJD baspasóz qyzmetine silteme jasap.
Qostanaı oblysyndaǵy Qaratamar sý qoımasynda eki adam sýǵa ketti.
«12 shilde kúni Beıimbet Maılın aýdanynyń Vıktorovka aýylynan 3 shaqyrym jerde turǵyndar sýǵa batyp ketken 1972 jyly týǵan azamattyń máıitin alyp shyqty. Ol jabdyqtalmaǵan jerde sýǵa shomylǵan. Kýágerlerdiń aıtýynsha, ol mas kúıinde bolǵan», - dep habarlady TJD baspasóz qyzmetindegiler.
13 shildede Rýdnyı qalasynan 20 shaqyrym jerdegi Qaratomar sý qoımasynyń («Neptýn» týrbazasy) aýmaǵynan 1992 jyly týǵan er adamnyń máıiti tabyldy. Sol kúni Rýdnyıda taǵy bir adam kóz jumdy. №18 baý-baqsha qoǵamynyń aýmaǵyndaǵy Tobyl ózeninde jergilikti turǵyndar men týystary 1951 jyly týǵan azamattyń máıitin sýdan alyp shyqqan. Onyń denesi sot-medıtsınalyq saraptamaǵa jiberildi.
Sonymen qatar, Arqalyq qalasynyń mańyndaǵy karerde qutqarýshylar 1994 jyly týǵan azamattyń máıitin tapty.
