Demalys kúnderi Qostanaı oblysynda saıabaqtar men jaǵajaılar jabylady
Búgin Qostanaı oblysynyń bas memlekettik sanıtar dárigeriniń orynbasary óńirde qatań shekteý sharalaryn engizý týraly qaýlyǵa qol qoıdy.
Qaýlyǵa sáıkes, saıabaqtarǵa, alańdar men skverlerge, jaǵalaýlarǵa, qoǵamdyq jáne uıymdastyrylmaǵan jaǵajaılarǵa, ózge de demalys oryndaryna barýǵa tyıym salynady. Tıisinshe 8-10 jáne 15-17 tamyz kúnderi lokdaýn tártibi engiziledi. Osy kúnderi qostanaılyqtar saıabaqtar men jaǵajaılarǵa bara almaıdy.
Aıta keteıik, 3 tamyz jáne 17 tamyz aralyǵynda oblys terrıtorııasynda qatań shekteý sharalary qabyldanady. Shekteý sharalary týraly Qostanaı oblysynyń bas memlekettik sanıtarlyq dárigeriniń orynbasary ıÝ. Sevostıanov habarlady.
Jumys kestesi saǵat 10:00-den 17:00-ge deıin kúsheıtilgen sanıtarlyq-dezınfektsııalyq rejımdi saqtaı otyryp bektiledi.
Qurylys materıaldaryn, sanıtarlyq-tehnıkalyq jáne sanıtarlyq-gıgıenalyq taýarlardy, aýyl sharýashylyǵy men saıajaıǵa arnalǵan taýarlardy, avto jáne aýyl sharýashylyǵy tehnıkasyna arnalǵan qosalqy bólshekterdi, salttyq kerek-jaraq pen taýarlardy ótkizýmen aınalysatyn dúkenderdi qospaǵanda, azyq-túlik satpaıtyn dúkenderdiń jumys isteýine tyıym salynady.