Demalys kúnderi Kólsaı kólderinde demalýǵa tyıym salyndy

TALDYQORǴAN. QazAqparat – Aldaǵy demalys kúnderi Almaty oblysyndaǵy Kólsaı kólderi aýmaǵyna barýǵa tyıym salyndy, dep habarlaıdy QazAqparat tilshisi.

Tıisti qaýlyǵa Kegen aýdanynyń bas memlekettik sanıtar dárigeri qol qoıdy.

«Almaty oblysy Kegen aýdany bas memlekettik sanıtar dárigeriniń búgin shyqqan qaýlysy negizinde koronavırýs ınfektsııasynyń taralýyna jol bermeý maqsatynda 18-19 shilde kúnderi «Kólsaı kólderi» memlekettik ulttyq tabıǵı parki aýmaǵy barlyq kelýshiler úshin jabyq bolady. Barlyq turǵyndar men qonaqtardan sanıtarlyq sharalardy saqtaýdy jáne saıahattardan bas tartýdy suraımyz», -delingen oblys ákimdiginde.

Eske sala keteıik, Almaty oblysynyń barlyq aýmaǵynda ótken demalys kúnderi qatań karantın jarııalanǵan bolatyn.