Demalys kúnderi qoǵamdyq kólikti shekteý tıimdi boldy ma – mınıstrlik jaýaby
NUR-SULTAN. QazAqparat – Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova demalys kúni qoǵamdyq kólik jumysyn shekteýdiń tıimdiligi týraly pikir bildirdi, dep habarlaıdy QazAqparat.
«Barlyq nárseniń ózimizge tikeleı baılanysty ekenimen kelisetin shyǵarsyzdar. Qoǵamdyq kólikke tolymdylyǵy boıynsha qoıylatyn talaptar bar, ondaǵy jolaýshylar maska taǵyp otyrýy kerek. Biraq bul talaptardy bárimiz birdeı oryndaı bermeımiz», - dedi Aıjan Esmaǵambetova Ortalyq kommýnıkatsııalar qyzmetinde ótken brıfıngte.
Spıkerdiń aıtýynsha, qazirgi ýaqytta aýrýshańdyq ósip, ólim-jitim kóbeıip jatyr, óńirlerde densaýlyq saqtaý júıesine shamadan tys kóp júkteme artyldy.
«Bul shekteý sharalary Densaýlyq saqtaý júıesine júktemeni jeńildetýge arnalǵan. Shekteý sharalarynyń tıimdiligi ótken shekteý kezeńimen salystyrǵanda dáleldendi», - dedi A. Esmaǵambetova.
