Demalys kúnderi Qazaqstannyń soltústik oblystarynda nóser jańbyr jaýady
ASTANA. QazAqparat - 25-27 tamyzda Qazaqstannyń soltústik óńirlerine asa bıiktegi tsıklonǵa baılanysty jóńkilgen bulttar legi keledi, dep habarlaıdy QazAqparat «Qazgıdromet» RMK-ǵa silteme jasap.
Osy tsıklonǵa baılanysty aldaǵy úsh táýlikte soltústik, ortalyq jáne shyǵys oblystarda jańbyr jaýady, kún kúrkireıdi, daýyl soǵady. Keı jerlerde burshaq jaýýy yqtımal.
Soltústik oblystardyń keı jerlerinde nóser jańbyrý jaýýy múmkin. Respýblıkanyń basqa óńirlerinde aýa raıy jaýyn-shashynsyz, aýa temperatýrasy kóp jylǵy ortasha normaǵa saı keledi, keı jerlerde qalypty kórsetkishten 2-4 gradýs tómen bolýy múmkin.
25 tamyz kúni Soltústik Qazaqstan oblysynyń keı jerlerinde nóser jańbyr kútiledi. Óńirdiń birqatar aımaqtarynda naızaǵaı oınap, tuman túsedi, daýyl turyp, burshaq jaýýy yqtımal. Soltústik-batystan jyldamdyǵy sekýndyna 15-20 metrge jetetin jel soǵady. Kúndiz jeldiń ekpini 25 m/s aınalasynda bolady.
25 tamyzda Petropavlda jańbyr jaýyp, naızaǵaı jarqyldaıdy. Sondaı-aq, daýyl kóterilip, burshaq jaýýy múmkin. Soltústik-batystan ekpini 15 m/s-ke jetetin jel soǵady. Daýyl turý yqtımaldyǵy - 90-95%.
