Demalys kúnderi Qazaqstannyń soltústiginde kún jylyna bastaıdy
ASTANA. QazAqparat - 21-23 qarashada Qazaqstannyń ortalyq aýdandaryndaǵy tsıklon men onymen baılanysty atmosferalyq fronttar birqatar oblysta jaýyn-shashynnyń bolýyna yqpaldasady. Demalys kúnderi ońtústik, ortalyq jáne shyǵys aýdandarda onyń tıgizetin áseri saqtalady. Alaıda onyń shyǵysqa qaraı yǵysýyna baılanysty yqpaly azaıady.
Bul týraly «Qazgıdromet» RMK habarlady.
Temperatýra burynǵydaı saqtalady. Tek dúısenbi 23 qarashada ol kópjyldyq kórsetkishtiń shamamen ortasha deńgeıinde bolady.
Sibir antıtsıklony Qazaqstannyń soltústik oblystaryna áli de áserin tıgizýde. Sondyqtan tún mezgilindegi aýa temperatýrasy 22-30º shamasynda saqtalady. Bul klımattyq normadan 5-10º tómen. Alaıda Reseıdiń Eýropalyq aýmaǵyndaǵy tsıklon birtindep ony yǵystyryp, eldiń batys jáne soltústik oblystarynda aýa temperatýrasynyń kóterilýine yqpaldasady.
