Demalys kúnderi Qazaqstannyń ońtústiginde jaýyn jaýady, al soltústiginde boran bolady dep kútilýde
ASTANA. QazAqparat - Demalys kúnderi jaýyn-shashyn jaýyp, kún ala bultty bolady dep kútilýde, dep habarlady «Qazgıdromet» RMK.
«Qazaqstannyń basym aýmaǵynda jaýyn-shashynsyz aýa raıyn saqtap turǵan antıtsıklon Sibirdiń ońtústigine kóshedi. Al Reseıdiń evropalyq aýmaǵynan tsıklon kóship keledi. Sondyqtan demalys kúnderi eldiń basym bóliginde jaýyn-shashyn, tuman, kóktaıǵaq, soltústik oblystarda boran bolyp, jel jyldamdyǵy 15-20m/s deıin kóteriledi dep kútiledi. Ońtústikte jaýyn, taýly aýdandarda sýly qar jaýady. Temperatýra tómendeıdi, alaıda atalǵan kezeń úshin klımattyq normadan joǵary bolady»,- delingen habarlamada.
