Demalys kúnderi Qazaqstannyń basym bóliginde jańbyr jaýady
NUR-SULTAN. QazAqparat - «Qazgıdromet» RMK 18-20 mamyr aralyǵyna arnalǵan aýa raıy boljamyn jarııalady, dep habarlaıdy QazAqparat.
Kópjyldyq klımattyq málimetter boıynsha, 17-20 mamyr aralyǵynda Qazaqstanǵa Soltústik Oraldan sýyq jáne ylǵal aýa massalary kelýi múmkin. Aldaǵy demalys kúnderi de Oraldan keletin sýyq atmosferalyq fronttar respýblıkanyń kóptegen aımaqtaryna jańbyr ala keledi. Saldarynan temperatýra kezekti ret tómendeýi yqtımal.
Senbi kúni - ońtústikte, jeksenbi - ońtústik-shyǵysta, dúısenbi kúni - soltústik jáne ortalyqta keı jerlerde qatty jańbyr jaýýy múmkin. Respýblıkanyń batysyna Reseıdiń eýropalyq bóliginen birtindep antıtsıklon jyljıdy, sondyqtan munda jaýyn-shashyn toqtaıdy. Sóıtip soltústik troposferalyq aǵyndardyń áserinen aýa temperatýrasy tómendeıdi.
