Demalys kúnderi Qazaqstannyń basym bóliginde naızaǵaıly jańbyr men burshaq jaýady
ASTANA. QazAqparat - Demalys kúnderi Qazaqstannyń basym bóliginde naızaǵaı oınap, burshaq jaýady, dep habarlaıdy «Qazgıdromet» RMK.
«Jazdyń ekinshi bóligi bastalǵanymen, aýa raıynda ózgeris baıqalmaıdy. Aldaǵy úsh kúnde de ádettegideı, respýblıkanyń kóptegen oblystarynda naızaǵaıly jańbyr men burshaq kútilýde. Mundaı aýa raıy Qazaqstannyń soltústik jartysynda birneshe kúnge sozylatyn bıiktik tsıklonymen baılanysty, alaıda onyń áseri batysty qospaǵanda, barlyq oblysta kórinis tabady. Elimizdiń batys bóliginde kún 32 gradýstan 40 graýdsqa deıingi ystyq, jaýyn-shashynsyz aýa raıy saqtalady», dep jazylǵan habarlamada.
