Demalys kúnderi Qazaqstannyń barlyq aımaǵynda kún jyly bolady
ASTANA. QazAqparat - 7-9 aqpan kúnderi Qazaqstannyń búkil aýmaǵynda kún jylynyp, ońtústikte aýa temperatýrasy 10 gradýsqa deıin kóteriledi dep kútilýde, dep habarlaıdy «Qazgıdromet».
«Qazaqstan aýmaǵyna ońtústik-batys aǵynymen aýysatyn tsıklon ózimen birge jylý jáne jaýyn-shashyn ákeledi. Qar, boran, qatty ońtústik-batys jel 15-25 m/s respýblıkanyń soltústik bóliginde kútiledi, Qazaqstannyń ońtústiginde jáne batysynda - sýly qar, kóktaıǵaq jáne tuman kútiledi. Kúndiz respýblıkanyń barlyq derlik aýmaǵynda jylymyq kútiledi, al ońtústikte aýa temperatýrasy 2-10º deıin jylynady. Osyndaı temperatýra klımattyq normadan 3-8º joǵary», - dep jazylǵan habarlamada.
