Demalys kúnderi qazaqstandyqtar 136 myńnan astam memqyzmetti onlaın aldy

NUR-SULTAN. QazAqparat - 21-24 naýryz aralyǵynda qazaqstandyqtar 136 myńnan astam memlekettik qyzmetti onlaın aldy, dep habarlaıdy QazAqparat QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmetine silteme jasap.

Elektrondyq úkimettiń egov.kz portalynda el aýmaǵynda jyljymaıtyn múlik obektilerin anyqtaý jáne jyljymaıtyn múlkiniń bar nemese joq ekendigi týraly anyqtama eń kóp suranysqa ıe boldy.

«Ótken 4 kún ishinde qazaqstandyqtar alǵan qyzmetterdiń 21 myńnan astamy atalǵan anyqtamalardyń enshisinde. Zeınetaqy jınaqtarynyń jaı-kúıi, sottylyǵynyń joqtyǵy týraly, narkologııalyq jáne psıhonevrologııalyq uıymdardan beriletin anyqtamalar da jıi suralady», - delingen baspasóz habarlamasynda.

Qazaqstandyqtar eGov mobile qosymshasyn da belsendi paıdalanýda. Demalys kúnderi atalǵan qosymsha AppStore PlayMarket arqyly 14 myńnan asa ret júktelgen. Osy qosymshanyń kómegimen ótken 4 kún ishinde azamattar 67 myńǵa jýyq memlekettik qyzmet alǵan.

«Búginde memlekettik qyzmetterdiń 80%-y onlaın qoljetimdi. Olardy azamattar elektrondyq úkimettiń egov.kz saıty, eGov mobile qosymshasy, Telegram-daǵy egovkzbot2.0 arnasy, Facebook jáne VKontakte áleýmettik jelileri arqyly ala alady», - delingen habarlamada.