Demalys kúnderi Qazaqstanda qar jaýyp, burqasyn bolady
ASTANA. QazAqparat - Demalys kúnderi Qazaqstannyń kóptegen oblystarynda qar jaýyp, burqasyn bolady, respýblıkanyń ońtústik jáne ońtústik-shyǵysynda jaýyn-shashyn, jańbyr, jańbyr aralas qar túsip, dúısenbi kúni keı jerlerde boran bolady. Bul týraly QazAqparat habarlaıdy.
Sınoptıkterdiń málimetinshe, aýa raıynyń salqyndaýy Qazaqstanǵa Batys Sibirden jyljyp kele jatqan salqyn aǵyndarǵa baılanysty. Olar ózimen birge arktıkalyq ylǵaldy aýany ákelip, respýblıkanyń barlyq derlik aýmaǵynda kún salqyndaýyna sebep bolady.
Bul kúnderi soltústikte aýa temperatýrasy klımattyq normadan 2...5 gradýs, al ortalyq jáne shyǵys oblystarda - 5...10 gradýs tómen bolady.
