Demalys kúnderi Qazaqstanda qar jaýyp, boran soǵady
NUR-SULTAN. QazAqparat - Sınoptıkter aldaǵy demalys kúnderi aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Ortalyq Azııadan aýysyp kele jatqan belsendi tsıklon senbi kúni Qazaqstannyń ortalyq aýdandaryna, al kúndiz respýblıkanyń shyǵysyna qaraı jyljıdy.
Demalys kúnderi respýblıkanyń ońtústigi men ońtústik-shyǵysynda jańbyr, dymqyl qar jaýyp, tuman túsedi. Kóktaıǵaq bolyp, kúshti ekpindi jel turady.
Qazaqstannyń ortalyǵy men shyǵysynda ońtústik tsıklonnyń áserinen qar jaýady. Jeksenbi kúni keı jerlerde kúshti boran soǵady, kúrtik qar men kúshti jel turady.
Tsıklonnyń artynan Edil ózeni boıyndaǵy aımaqtardan antıtsıklon bizge qaraı yǵysady, ol jaýyn-shashyn men azdaǵan sýytýdy toqtatady.
Aýa temperatýrasy tómendese de, ol áli de ortasha kópjyldyq mánnen 3...6°S joǵary bolady.
