Demalys kúnderi Qazaqstanda burqasyn bolady
ASTANA. QazAqparat - «Qazgıdromet» RMK demalys kúnderi - 10-12 jeltoqsan aralyǵyna arnalǵan aýa raıy boljamyn usynady.
«Atlantıkada týyndaǵan tsıklondar, úlken jyldamdyqpen kontınentke jáne ári qaraı Sibirge jyljyp keledi. Al tsıklondarmen baılanysty qalyptasqan atmosferalyq fronttar Qazaqstan aýa raıyna áserin tıgizedi. Demalys kúnderi olarǵa ilesken qar jaýý, boran jáne kúshti batys jeli kútiledi. Atlantıkalyq tsıklondardaǵy aýa jyly bolǵandyqtan, qysqa merzimdi sýyqtan keıin qaıta aýa temperatýrasynyń kóterilýi jáne kóktaıǵaq kútilýde», - dep jazylǵan habarlamada.
