Demalys kúnderi Qazaqstan men Qyrǵyzstan shekarasynda 3 kontrabanda faktisiniń joly kesildi

ASTANA. 9 qyrkúıek. QazAqparat - Demalys kúnderi «Qyzylásker» shekara zastavasynyń shekara jasaǵy shekaradan 15 shaqyrym jerde Qazaqstannyń úsh azamatyn ustady.

Er adamdar Bozsý kanaly arqyly Qazaqstannan Ózbekstanǵa halyq tutynatyn 1 tonna taýardy tıep, alyp ótpek bolǵan. Bul týraly QR UQK ShQ baspasóz qyzmeti habarlady.

Taǵy bir kontrabanda faktisiniń joly Qordaı shekara otrıadynda «Qaınar» shekara beketinen 7 jaqyrym jerde kesildi. Munda shekarashylar jasaǵy 1,5 tonna kıim-keshegi bar «Mıtsýbısı-Delıka» avtokóligin ustady. Kólik júrgizýshisi Qyrǵyzstan aýmaǵynda jasyrynyp qaldy, al Qazaqstan jaǵynan ony «Mıtsýbısı Padjero» kútip turǵan.

Dál osy shekara otrıadynda «Qordaı avto» ótkizý pýnktinde Qazaqstannan «Leksýs» kóligimen shyqqan Qyrǵyzstan azamatyn ustady. Odan 12 000 AQSh dollary, 200 900 teńge jáne 1000 somnan artyq kólemde deklaratsııalanbaǵan aqsha somasy tabyldy.

Memlekettik shekarany buzý faktisi boıynsha tergeý sharalary júrgizilip jatyr.