Demalys kúnderi Qazaqstan aýmaǵynyń basym bóliginde aýa raıy turaqsyzdyǵy saqtalady - Qazgıdromet
ASTANA. 6 jeltoqsan. QazAqparat - «Qazgıdromet» RMK málimetteri boıynsha, Qazaqstannyń basym bóliginde atmosferalyq aǵyndardyń ótýine baılanysty aýa raıynyń turaqsyzdyǵy saqtalady, boran soǵyp, jel kúsheıedi, tuman túsedi.
Aqmola oblysynda, túnde Aqtóbe oblysynda boran soǵyp, jel 15-20 m/s-ke kúsheıedi. Soltústik Qazaqstan, Qostanaı oblystarynda keı jerlerde boran soǵady dep kútilýde, kóktaıǵaq bolady, tuman túsedi, jel ekpini 15-20 m/s bolady. Qyzylorda oblysynda, túnde Qaraǵandy oblysynda, Shyǵys Qazaqstan oblystarynyń birqatar aımaqtarynda tuman túsedi. Atyraý oblysynda keı jerlerde tuman túsedi dep kútilýde, kóktaıǵaq bolady. Almaty oblysynda túnde keı jerlerde tuman túsedi, kúndiz Jalańashkól aýdanynda jel 17-22 m/s-ke kúsheıedi. Jambyl, Ońtústik Qazaqstan oblystarynyń keıbir jerlerinde tuman túsedi dep kútilýde, jel ekpini 15-20 m/s bolady. Mańǵystaý oblysynda keı jerlerde tuman túsedi, kúndiz jel 15-20 m/s-ke kúsheıedi. Batys Qazaqstan oblysynda keı jerlerde kóktaıǵaq bolady dep kútilýde, kúndiz jel 15-20 m/s-ke kúsheıedi, dep habarlaıdy «Qazgıdrometke» silteme jasap, QR TJM baspasóz qyzmeti.
Jýyrdaǵy úsh táýlikte Qazaqstannyń soltústik bóliginiń sý nysandarynda muz qalyptasý úrdisi jalǵasýyna baılanysty respýblıkanyń shyǵysynyń jekelegen ózenderinde sý deńgeıiniń turaqsyzdyǵy baıqalady. Ońtústik jáne ońtústik-shyǵystyń ózenderinde sý deńgeıi turaqsyz bolady dep kútilýde.
