Demalys kúnderi qarly borannan 30 adam qutqarylyp, 485-i evakýatsııalandy (FOTO)
ASTANA. QazAqparat - 19 jáne 20 jeltoqsan kúnderi QR ІІM Tótenshe jaǵdaılar komıtetiniń qutqarýshy bólimsheleri, sonymen qatar Memlekettik azamattyq qorǵanys júıesiniń kúsh-quraldary Aqmola, Jambyl, Ońtústik Qazaqstan jáne Qaraǵandy oblystarynda izdestirý jáne apattan qutqarý operatsııalaryn ótkizip, qarly borasynnan 30 adamdy qutqardy, 485 adamdy jáne 30 tehnıkany evakýatsııalady.
Bul kúnderi aýa raıynyń buzylýyna, boranǵa, nashar kórinýshilikke, elimizdiń birneshe aımaqtarynda qardyń mol túsýine baılanysty avtojoldarda kólik qozǵalysyna shekteý engizildi, dep habarlaıdy QR ІІM TJ komıtetiniń Memlekettik til jáne aqparat basqarmasynan.
20 jeltoqsanda Jambyl oblysy Jýaly aýdanynda qarly borasynda qalǵan adamdardy jáne avtokólikterdi evakýatsııalaý boıynsha avarııalyq-qutqarý jáne kezek kúttirmeıtin jumystardy júrgizý úshin Azamattyq qorǵanys qyzmetteriniń 7 tehnıkasy jáne 37 adam dereý joldandy. Ótkizilgen jumystardyń nátıjesinde «Almaty-Tashkent» avtojolynyń 556-593 shaqyrymynda qarly borasynda qalǵan 2 jolaýshylar avtobýsynan, 4 júk jáne 42 jeńil avtomobılden 152 adam evakýatsııalandy, onyń ishinde 16 bala bar, olar Jýaly aýdanynyń Baýyrjan Momyshuly jáne Nurlykent aýyldaryna jetkizildi.
Jambyl oblysynyń Shaqpaq aýylynda apattan qutqarý jumystaryn júrgizý úshin Ońtústik Qazaqstan oblysynyń TJ departamenti quramynda 26 adam jáne 8 tehnıkasy bar avarııalyq-qutqarý qyzmetteriniń kúshteri men quraldary toptamasy uıymdastyryldy. Іzdestirý-qutqarý jumystary toǵyz saǵatqa jýyq ýaqyt júrgizildi. 20 jeltoqsanda keshki saǵat 19-dar shamasynda zardap shekkenderdiń barlyǵy aman-esen tabyldy. «Almaty-Tashkent» tas jolyndaǵy qar qursaýynan 8 jolaýshylar avtobýsy jáne 30 jeńil kólik, 200 adam, onyń ishinde 5 bala evakýatsııalandy. Olar Turar Rysqulov aýylyna jáne Shymkent qalasyna jetkizildi.
Jambyl oblysynyń Moıynqum aýdanynda «Ekaterınbýrg-Almaty» avtojolynyń 489 shaqyrymynda Qaraǵandy oblysynyń TJD qutqarýshylary apattan qutqarý jumystaryn júrgizdi, onyń barysynda qarly borasynda toqtap qalǵan jolaýshylar avtobýsynan 50 adam evakýatsııalandy.
TJ Komıteti azamattardan aýa raıynyń ózgerýin, meteorologııalyq málimetterdi baıqap otyrýyn, aýa raıy nasharlaǵan kezde jol júrýge jáne avtojoldarda kólik qozǵalysyna shekteý qoıýdy suraıdy.
