Demalys kúnderi qandaı nysandardyń jumysyna tyıym salynady

NUR-SULTAN. QazAqparat - QR Bas memlekettik sanıtar dárigeri Aıjan Esmaǵambetovanyń jańa qaýlysyna sáıkes, demalys kúnderi kóptegen nysandardyń jumysyna tyıym salynady, dep habarlaıdy QazAqparat tilshisi.

Atap aıtqanda, demalys kúnderi qoǵamdyq kólik qozǵalysyn, 65 jastan asqan adamdardyń kóshege shyǵýyn shekteý qala beredi. Al saýda-oıyn-saýyq ortalyqtary ondaǵy azyq-túlik sýpermarketteri men dárihanalardy qospaǵanda, saýda úıleriniń saýda jelileriniń jumysy toqtatylady. Azyq-túlik emes jáne azyq-túlik jabyq bazarlary jumysy istemeıdi.

Sulýlyq salondarynyń, shashtarazdardyń, SPA ortalyqtarynyń, kosmetologııalyq qyzmet kórsetetin nysandardyń jumysy da toqtaıdy. Fıtnes-ortalyqtar men sporttyq-saýyqtyrý ortalyqtary, qoǵamdyq monshalar, saýnalar jabylady.

Balalar men eresekterge arnalǵan bilim berý ortalyqtarynyń, túzetý kabınetteriniń jumysy, ashyq aýada attraktsıondardyń jumysy toqtata turý boıynsha shekteý sharalary engiziledi.