Demalys kúnderi Eýropada halyqtyń jappaı narazylyq aktsııalary ótti
BRıÝSSELЬ. 1 qazan. QazAqparat - Demalys kúnderi birqatar eýropalyq elderde halyqtyń jappaı narazylyq aktsııalary ótti, dep habarlady jergilikti BAQ.
Jeksenbi kúni eýropalyq astana - Brıýsellde turǵyndar ekonomıkanyń qatań saıasatyna qarsy shyqty.
1,5 myńǵa jýyq adamdy jınaǵan narazylyq bildirý aktsııasynyń qatysýshylary daǵdarysqa qarsy sharalardy synǵa alatyndyqtaryn aıtty. Narazylyq bildirýshilerdiń pikirine qaraǵanda, olar daǵdarys kezinde baılar men kedeılerdiń arasyndaǵy aıyrmashylyqty arttyrýda.
«Belgııada halyqtyń 15 paıyzy kedeıshiliktiń az-aq aldynda tur, bul álemdegi eń baı memleketterdiń biri úshin kóp. Zeınetaqy reformasy zeınetkerlerdiń ózderi jınaǵan qarajatty alýǵa ǵana tireledi. 1 qarashadan bastap jumyssyzdardy eńbekke qaıta baýlý úshin jumyssyzdarǵa tólenetin járdemaqylar tómendetiletin bolady. Federaldy úkimet (Belgııa) 2020 jylǵa qaraı 380 myń adamdy kedeılerdiń sanatynan shyǵarýdy kózdep otyr, alaıda bul qadamdar kedeılerdiń sanyn arttyrý múmkin», - dedi «Keıdelikpen kúres júıesiniń» tóraǵasy Pıter Eıman.
Ispandyqtar bıýdjettik shyǵyndardy qysqartý boıynsha úkimettiń josparyna qarsylyq bildirýde. Jeksenbige qaraǵan túni Madrıdte úkimetke qarsy aktsııanyń jáne polıtsııanyń qatysýshylary arasynda taǵy da qaqtyǵystar ornady.
Quqyq qorǵaý organdarynyń ókilderi mıtıngke shyqqan adamdardy joldan qýmaq bolǵanymen, qarsy áreketterge ushyrady: polıtsııaǵa tastar men bótelkeler laqtyryldy. Qaqtyǵystyń saldarynan 12 adam qamaýǵa alynyp, birnesheýi jaraqattandy. Polıtsııa arnaıy quraldardy paıdalandy.
Ázirlenip jatqan zZeınetaqy reformasyna qarsylyq kórsetý aktsııalary Polshanyń astanasy Varashavada da ótti.
Polıtsııanyń bergen málimetterine qaraǵanda, myńdaǵan turǵyndar tý men dybys shyǵarý quraldarymen kóshelerge shyqqan. Ereýilge qatysýshylary arasynda kásipodaqshylar men oppozıtsııalyq «Nıettestik» konservatıvtik partııasynyń ókilderi boldy.
Eldiń úkimeti zeınetkerlerdiń jasyn 67-ge deıin kóterýdi josparlaýda, bul polshalyqtardyń basym bóliginiń narazylyǵyn týdyrýda.
