Demalys kúnderi elordalyqtar qaıda barsa bolady
ASTANA. QazAqparat - Elorda ákimdiginiń saıty Astana qalasynyń mádenı jáne sport mekemelerinde 1-3 jeltoqsan aralyǵynda ótetin is-sharalar josparyn usyndy, dep habarlaıdy QazAqparat.
1 jeltoqsanda «Astana-Arena» stadıonynda Tuńǵysh Prezıdent kúnine oraı balalar men jastar arasynda boks týrnıri bastalady. Sporttyq is-sharanyń bastalý ýaqyty: saǵat 10:00-de.
Al 2 jeltoqsanda saǵat 10:00-den bastap elorda turǵyndary men qonaqtary «Qazaq eli jáne Elbasy» kórmesin tamashalaı alady. Sáken Seıfýllın murajaıynda uıymdastyrylǵan kórme 5 jeltoqsanǵa deıin jumys isteıdi. Senbi jáne jeksenbi, 2-3 jeltoqsanda jasóspirimder komandalary arasynda shaıbaly hokkeıden respýblıkalyq chempıonat ótedi.
Oıynnyń bastalýy saǵat 12:00-de. 3 jeltoqsanda qalalyqtar úshin Táýelsizdik saraıynda túrli kórmeler uıymdastyrylady. Munda tanymal sýretshilerdiń, zamanaýı óner sheberleriniń týyndylaryn kórýge bolady.
«Aqanovtar áýleti», «Astana - jastar bolashaǵy», «Keńistiktegi qozǵalys», «Tús álemi», «Úmit joly» kórmeleri jumysyn saǵat 10:00-de bastaıdy. Kórme jeltoqsan aıynyń sońyna deıin jumys isteıdi. Sol kúni saǵat 17:00-de «Barys Arena» stadıonynda ótetin QHL chempıonaty aıasynda «Barys» pen «Metallýrg MG» komandalary kezdesedi.
Merekelik demalys kúnderi ıtalıandyq juldyzdardyń «San-Remo» kontserttik baǵdarlamasymen aıaqtalady.Kontsert «Jastar» saraıynda ótedi. Bastalýy: saǵat 19:00-de.
