Demalys kúnderi elordada ótkinshi jańbyr jaýady
ASTANA. 3 qazan. QazAqparat - Astanada osy aptada kún sýyq, jaýyn-shashyndy boldy. Aldaǵy kúnderi aýa temperatýrasy tómendep, jańbyr jaýady. Túnde aýa temperatýrasy -2+2°C, kúndiz +8+13°C-ge jetedi. Bul týraly astana.kz saıtyna «Qazgıdromet» RMK habarlady.
«Beısenbi kúni Astanada kóshpeli bult shyǵady, kúndiz ótkinshi jańbyr jaýady. Batystan ońtústik-shyǵysqa qaraı aýysyp 9-14 m/s jyldamdyqpen jel soǵady. Túnde aýa temperatýrasy 0+2°C, kúndiz +10+12°C bolady», - delingen taratylǵan aqparatta.
Juma kúni kún ala bultty, al túnde jaýyn-shashyndy. Soltústik-shyǵystan 9-14 m/s jyldamdyqpen jel soǵady. Túnde aýa temperatýrasy 0,-2°C, kúndiz +8+10°C bolady.
Sınoptıkterdiń boljamynsha, senbi kúni kóshpeli bult shyǵady, jańbyr jaýady. Shyǵystan 9-14 m/s jyldamdyqpen jel soǵady. Aýa temperatýrasy túnde 0,-2°C, kúndiz +11+13°C deńgeıinde bolady.
