Demalys kúnderi elordada ótetin qyzyqty mádenı jáne sporttyq is-sharalar
ASTANA. QazAqparat - Demalys kúnderi, 9-10 maýsymda Astana qalasynyń mádenıet jáne sport basqarmasy elorda turǵyndary men qonaqtary úshin birqatar sharalar uıymdastyrady.
9 maýsym kúni M.Gorkıı atyndaǵy Memlekettik akademııalyq orys drama teatrynda saǵat 11:00-de V. Orlovtyń «Zolotoı tsyplenok» ertegisi kórsetiledi.
Saǵat 18:00-de R.Baerdyń «Smeshannye chývstva» spektakl-melodramasy qoıylady.
Senbi jáne jeksenbi kúnderi Qýyrshaq teatrynda A. Salaevanyń «Eşe raz o rýsalochke» ertegisi balalardyń nazaryna usynylady. Bastalýy saǵat 12:00-de jáne 14:00-de.
9 maýsymda «Astana» kontsert zalynda «Shalqyma» halyq bıi ansambliniń jáne halyq ánderin oryndaýshylardyń «Astanaǵa 20 jyl» tsıklynan kontserti ótedi. Bastalýy 17:00.
9 maýsymda saǵat 18:00 jáne 10 maýsymda saǵat 15:00-de «Jastar» saraıynda karaokeden Astana qalasy ákiminiń kýbogyna «Barlyǵy án salady!» ashyq qalalyq chempıonatynyń II irikteý týry ótedi.
10 maýsymda Beıbitshilik jáne kelisim saraıynda «Tamashanyń Qudaıbergeni» atty Qudaıbergen Sultanbaevty eske alý keshi ótedi. Bastalýy saǵat 18:30.
Aldaǵy demalys kúnderi ótetin ataýly oqıǵalardyń biri Astananyń 20 jyldyǵyn merekeleý aıasynda VI «Samǵaý» halyqaralyq teatr festıvaliniń ashylýy bolady.
10 maýsymda saǵat 16:00-de «Jastar» teatrynda qatysýshylarmen baspasóz-maslıhaty ótedi jáne saǵat 19:00-de festıval aıasynda birinshi bolyp elordalyq «Jastar» teatrynyń artısteri N.Gogoldyń «Revızor» romanynyń jelisi boıynsha qoıylǵan tragıfarsty kópshilik nazaryna usynady.
Ádettegideı, Astananyń kishkentaı turǵyndary men qonaqtary úshin úsh saıabaqta kún saıyn «saıabaqtyń 7 ǵajaıyby» balalar shoýy uıymdastyrylady.
Astanalyq saıabaqta oıyn-saýyq baǵdarlamasy 9 jáne 10 maýsymda saǵat 15:00, 16:00 jáne 17:00-de, Stýdenttik saıabaqta - saǵat 14:00 jáne 15:00-de, al Jeruıyq saıabaǵynda saǵat 17:00 jáne 18:00-de ótedi.
Sportpen shuǵyldanyp, belsendi ómir saltyn ustanatyndar demalys kúnderi Astananyń 20 jyldyǵyn merekeleý aıasynda bokstan Halyqaralyq balalardy qorǵaý kúnine arnalǵan ashyq týrnırdi tamashalaı alady. Jarys 9 maýsymda saǵat 12:00-de «Tolqyn» SK ótedi.
9-10 maýsymda «Dáýlet» sport kesheninde bokstan eresekter arasynda Qazaqstan Respýblıkasy Prezıdentiniń kýbogyna VI halyqaralyq týrnırdiń jabylýy bolady. Osy kúnderi saǵat tańǵy 9-00-den bastap munda tennısten «Jasyl dop» balalar týrnıri ótkiziledi.
9 maýsymda saǵat 10.00-de № 24 orta mektepte 2002-2004 jyly týǵan jasóspirimder arasynda asyq atýdan Astana qalasynyń chempıonaty ótedi, al 10 maýsymda saǵat 10.00-de №4 orta mektepte jartasqa shyǵýdan Astana qalasynyń ashyq chempıonaty uıymdastyrylady.
Jeksenbi kúni barshańyzdy ashyq aspan astynda uıymdastyrylatyn tegin apta saıynǵy jeksenbilik jattyǵýlarǵa qatysýǵa shaqyramyz.
Jattyǵýlar 10 maýsymda saǵat 10:00-12:00 jáne 19:30-20:30 Astanalyq, Prezıdenttik, Stýdenttik, Jeruıyq jáne Trıatlon saıabaqtarynda ótkiziledi.
