Demalys kúnderi elordada kólikti mas kúıinde júrgizgen 6 adam ustaldy
NUR-SULTAN. QazAqparat – Elorda polıtseıleri kóligimen sham baǵanysan soǵylǵan mas júrgizýshini ustady, dep habarlaıdy QazAqparat.
«Júrgizýshiler arasynda tártipti ustaný deıgeıin arttyrý men jol-kólik oqıǵalar sanyn tómendetý maqsatynda elorda aýmaǵynda kún saıyn «Mas júrgizýshi – qylmysker» atty aldyn alý sharalary júrgiziledi. Demalys kúnderi polıtseıler alkogolge maısaıǵan 6 júrgizýshini ustady», - delingen Polıtsııa departamenti málimetinde.
10 qazan kúni keshqurym «SHACMAN» kóliginiń 35 jastaǵy júrgizýshisi aınalma jolmen kele jatyp, joldy jaryqtandyrýǵa arnalǵan sham baǵanasyna soǵylǵan.
«Anyqtalǵandaı, júrgizýshi mas bolǵan. Oǵan qatysty tıisti ákimshilik is qozǵaldy. Ákimshilik sot sheshimine sáıkes, júrgizýshi 20 táýlikke qamaýǵa alynyp, segiz jylǵa kólik basqarý quqyǵynan aıyryldy», - dep atalyp ótken habarlamada.
Aıta keteıik, demalys kúnderi ustalǵan barlyq júrgizýshilerge qatysty ákimshilik hattama toltyryldy, olardyń kólikteri aıyp turaǵyna qoıyldy.
