Demalys kúnderi elordada qoǵamdyq kólikter júrmeıdi
NUR-SULTAN. QazAqparat - Nur-Sultan qalasynyń qoǵamdyq kólikteri senbi jáne jeksenbi kúnderi jumys istemeıdi. Mundaı shekteýler elordadaǵy epıdemıologııalyq jaǵdaıdyń turaqsyzdyǵyna baılanysty qalanyń sanıtarlyq dárigeriniń qaýlysy negizinde engizildi, dep habarlaıdy Nur-Sultan qalasy ákimdiginiń resmı saıty.
Qalalyq avtobýs marshrýttarynyń jumysy senbi jáne jeksenbi kúnderi toqtatyldy. Bul kúnderi avtobýstarda dezınfektsııalyq óńdeý jumystary júrgiziledi. Jumys kúnderi qoǵamdyq kólik shtattyq rejımde júredi jáne keptelis ýaqyttarynda avtobýstar sany kóbeıedi.
Buǵan qosa sońǵy aıaldamalarda avtobýs salondaryn dezınfektsııalaıdy.
Esterińizge sala keteıik, qoǵamdyq kólikte maska rejımin qatań saqtaý kerek. Jol júrý aqysy qolma-qol aqshasyz tólenedi.
Esterińizge sala keteıik, sanıtarlyq dárigerdiń karantındi kúsheıtý týraly qaýlysy QR aýmaǵynda koronavırýstyq ınfektsııanyń taralýyna jol bermeý jónindegi vedomstvoaralyq komıssııa otyrysynyń 2021 jylǵy 14 shildedegi hattamasy negizinde qabyldandy.
