Demalys kúnderi elordada Qaraǵandy oblysynyń jármeńkesi ótedi
ASTANA. QazAqparat - Elordanyń 20-jyldyǵyna oraı 30 maýsym jáne 1 shilde kúnderi Astana qalasynda Qaraǵandy oblysynyń aýyl sharýashylyǵy taýar óndirýshileriniń qatysýymen aýyl sharýashylyǵy jármeńkesi ótkiziledi, dep habarlaıdy QazAqparat qala ákimdiginiń saıtyna silteme jasap.
Jármeńke Qajymuqan Muńaıtpasov kóshesiniń boıyndaǵy «Qazaqstan» sport kesheniniń aýmaǵynda ótkiziledi.
Jármeńke alańyna 50 shatyrdaǵy saýda núktesi ornalastyrylady.
Jármeńkede Qaraǵandy oblysynyń aýdan jáne qalalaryndaǵy 50 sharýa qojalyǵy, sonymen qatar «Qaraǵandy - Nan Korporatsııasy», «Nátıje-Sút» JShS, «Evrazıan Fýds» AQ, «Bıdaı NAN» JShS, «Tulpar Fırmasy» JShS qaıta óńdeý kásiporyndary óz ónimderin usynady.
Onda 83 tonna et jáne et ónimderi, 19 tonna sút ónimderi, 520 myń dana jumyrtqa, 3 tonna balyq, 8 tonna nan-toqash buıymdary, 19 tonna basqa da ónimder saýdalanady.
Aýyl sharýashylyǵy jármeńkesin ótkizý aıasynda baýyrsaq jáne qymyz festıvalderi uıymdastyrylyp, Osakarovka, Abaı jáne Nura aýdandarynyń shyǵarmashylyq ujymdary kontsert qoıady.
