Demalys kúnderi elordada qandaı mádenı sharalar ótedi
NUR-SULTAN. QazAqparat - Qaladaǵy mádenı mekemeler aldaǵy demalys kúnderine arnap mýzykalyq qoıylym, kórme men ekskýrsııa ázirledi. Barlyq is-shara sanıtarlyq talaptarǵa saı ótedi, dep habarlaıdy QazAqparat qala ákimdigine silteme jasap.
Astana Opera 21 qarasha kúni saǵat 18:00 – de Djýzeppe Akýavıvanyń jetekshiligimen solıster, hor men sımfonııalyq orkestrdiń oryndaýynda Messa di Gloria álemdik mýzyka klassıkasynyń jaýhary Djakomo Pýchchınıdi usynady.
Táýelsizdik saraıynda dúısenbiden senbige deıin (31 jeltoqsanǵa deıin) aqyn Abaı 175 jyldyǵyna arnalǵan jáne «Aqanaevtar áýleti» atty kórme usynylady.
30 qarashaǵa deıin saǵat 10:00-den 17:00-ge deıin «Óner qarlyǵashtary» jáne «Álem bala kózimen» atty balalar kórmesi ashyldy. Sondaı-aq, Qazaqstan Sýretshiler odaǵynyń múshesi, «Shabyt» halyqaralyq shyǵarmashyl jastar festıvaliniń dıplomanty, sýretshi Anar Áýbákirdiń «Tylsym»atty kórmesi ótedi.
21 qarashada saǵat 10:00-den 17:00-ge deıin Táýelsizdik saraıynyń qoryndaǵy «Nur-Sultan qalasyna syılyqtar» kórmesine barýǵa bolady, elordaǵa kelgen resmı delegatsııalardyń syılyqtary kórsetiledi.
Qalalyq qýyrshaq teatrynda 21 qarasha kúni saǵat 12:00-de jáne 14:00-de jas kórermenderge arnalǵan «Aladdınniń sıqyrly shamy» ertegisi, 22:00-de «Keshki ertegi» taetrdyń Facebook, Instagram paraqshasynda kórsetiledi,
«Atameken» etno-memorıaldyq kesheni 21 qarasha kúni saǵat 12:00-de «Abylaı hannyń rezıdentsııasy»onlaın ekskýrsııasyn ótkizedi. Іs-shara Instagram paraqshasynda jáne Facebook-te kórsetiledi.
22 qarasha kúni saǵat 15:00-de «Naz» bı teatrynyń dástúrli ánshisi Zaǵıpa Imanǵazynyń jyr-dastandardyń shyǵý tarıhynan dárisi oqıdy. Іs-shara onlaın formatta teatrdyń Facebook , Instagram, YouTube paraqshasynda kórsetiledi.
