Demalys kúnderi elordada eki oblystyń jármeńkesi ótedi
ASTANA. QazAqparat - 23-24 qyrkúıek kúnderi Astanada Qaraǵandy jáne Qyzylorda oblystarynyń aýylsharýashylyq jármeńkesi ótedi. Bul týraly Astana qalasy aýylsharýashylyq basqarmasynyń basshysy Ardaq Dosanov habarlady.
Onyń sózinshe, 8 aı ishinde Astanada 50-ge jýyq jármeńke ótken. Keıbir aımaqtar birneshe ret kelgen.
-Jármeńkelerde biz 8 mln teńgeniń 25 myń tonnadan astam ónimin ótkizdik. 23-24 qyrkúıek Qaraǵandy men Qyzylorda oblystarynyń birlesken jármeńkesin uıymdastyrý josparlanýda. Onda 500 tonna ónim saýdalanady, - dedi Dosanov myrza.
Esterińizge salamyz, jármeńke Q.Muńaıtpasov kóshesindegi «Qazaqstan» sport kesheni aýmaǵynda ótedi.
Aıta ketý kerek, elordaǵa jyl basynan beri dıstrıbıýtorlik arnalar arqyly 80 myń tonna azyq-túlik jetkizilgen. Bul ótken jylmen salystyrǵanda 25-30%-ǵa kóp. Mundaı sharalardyń barlyǵy baǵany baqylaýǵa jáne barlyq taýar toptary boıynsha ósim bolǵan jaǵdaıda da ónimderdiń jetispeýshiligin, jyldam qymbattaýyn boldyrmady.
