Demalys kúnderi elordada aýylsharýashylyq jármeńkesi ótedi
NUR-SULTAN. QazAqparat - 8 jáne 9 maýsym kúnderi elordanyń birneshe jerinde aýyl sharýashylyǵy ónimderiniń jármeńkesi ótedi, dep habarlaıdy QazAqparat qala ákimdigine silteme jasap.
Jármeńke «Qazaqstan» sport kesheni aýmaǵynda, Saýran kóshesi, 7A men 5-úıdiń arasyndaǵy alańda, sondaı-aq Qosshyǵululy kóshesi, 14-úı men 189 kóshe, 5-úı aýmaqtarynda ótedi.
Onda Nur-Sultan qalasynyń, Qaraǵandy oblysy Abaı aýdanynyń, Aqmola oblysynyń, Qostanaı oblysy Arqalyq qalasynyń jáne ózge de óńirlerdiń sharýashylyqtary óz ónimderin usynady. Kelýshiler jemis-kókónis ónimderin, et (sıyr eti, jylqy eti, qoı eti), nan-toqash ónimderin, Tarazda jasalǵan shujyqtardy, Atyraýdan jetkizilgen jańa muzdatylǵan balyqtardy jáne taǵy basqalaryn 10-15% arzan baǵamen satyp ala alady.
«Barlyq jármeńkede tekserý tarazysy ornatylady. Al mundaı is-sharalardyń jumysyn jetildirý úshin árbir kelýshi óz pikirin shaǵymdar men usynystar kitabyna jazyp qaldyra alady. Sonymen qatar, ákimshiler sapaly qyzmet kórsetýdi qadaǵalaý maqsatynda saýda qatarlaryn aralap júretin bolady», - dedi ákimdikten.
