Demalys kúnderi elordada Ashyq qosymshasynda tirkelgen bıznes nysandar jumys isteıdi
Eger qala «qyzyl» aımaqta bolsa, onda Ashyq qosymshasyn qoldanatyn bıznes ıeleri «sary» aımaq úshin kózdelgen sharttar boıynsha jumys isteı alady.
Búgingi tańda joba Nur-Sultan boıynsha 135 kásipkerlik sýbektisin biriktirdi. Olarǵa fıtnes jáne spa, saýna, basseın, boýlıng, kompıýter klýby men qoǵamdyq tamaqtaný uıymdary kiredi.
Aıta ketý kerek, bul kásiporyndar ótken jyly tótenshe jaǵdaı jarııalanǵannan keıin jabylyp, toqtatyldy. Ashyq qosymshasy toqtap qalǵan kásiporyndarǵa jumysyn qaıta bastaýǵa múmkindik beredi.
Ashyq pılottyq jobasynyń basty maqsaty – kelýshiler men qyzmetkerlerdiń qaýipsizdigin qamtamasyz etý. Sebebi barlyq azamattar qoǵamdyq oryndarǵa barý arqyly ózin-ózi oqshaýlaý rejımin saqtamaıdy jáne osylaısha vırýstyń taralý qaýpin týdyrady. Sonymen qatar, karantın kezeńiniń basynan bastap qyzmetin qaıta bastaı almaǵan kásipkerlerge epıdemıologııalyq jaǵdaıdy baǵalaý matrıtsasynyń belgili bir «aımaǵynda» bolýyna baılanysty birtindep nemese tolyǵymen jeńildikpen jumys isteýge múmkindik beriledi.
Mobıldi qosymshany qoldaný jeńil. Qoǵamdyq orynǵa kireberiste paıdalanýshy arnaıy QR kodty skanerlep, ony ákimshige kórsetedi. Kod kelýshiniń mártebesin anyqtaıdy. Mártebe PTR zertteýdiń biryńǵaı ıntegratsııalyq portaly jáne QR Densaýlyq saqtaý mınıstrliginiń COVID-19 baqylaý ortalyǵy sııaqty aqparattyq júıelermen salystyrý negizinde beriledi. Ár túske sáıkes mártábe kelesideı maǵyna beredi:
«Qyzyl» mártebe PTR test tapsyryp, koronavırýs anyqtalǵan adamǵa beriledi. Mundaı mártebe ıeleri úıde oqshaýlaný rejımin qatań saqtaýy tıis.
«Sary» – baılanysta bolǵan adamdarǵa beriletin mártebe. Olarǵa azyq-túlik alýǵa nemese úıdiń janyndaǵy dárihanaǵa barýǵa ruqsat etilgenmen, basqa qoǵamdyq oryndarǵa barýǵa tyıym salynady.
«Kók» — aýrý juqtyrǵan adamdarmen baılanysta bolǵan adamdar esebinde joq, PTR test (mysaly áýejaıda) talap etiletin jerlerden basqa kez kelgen jerde erkin qozǵalý degendi bildiredi.
«Jasyl» – júrip-turýda shekteý joǵyn bildiredi, mundaı adam bazada COVID-19 indetine PTR testileýi teris nátıje shyqqan paıdalanýshy bolyp shyǵady.
Elorda qazir «qyzyl aımaqta» ornalasqan. Alaıda, Ashyq qosymshasy arqyly jumys isteıtin kásiporyndarǵa demalys kúnderi jumys isteýine ruqsat etiledi. ıAǵnı fıtnes jáne spa, saýna, basseın, boýlıng, kompıýterlik klýbtar men qoǵamdyq tamaqtaný uıymdaryna barýǵa bolady. Bul qaladaǵy epıdemıologııalyq jaǵdaıǵa qalaı áser etedi?
Ashyq qosymshasy boıynsha jumys jáne demalys kúnderi jumys isteıtin obektiler qala boıynsha indettiń taralýyna esh áser etpeıdi. Bul kelýshiniń QR kodyn engizgennen keıin «qyzyl» nemese «sary» mártebe anyqtalǵan jaǵdaıda, nysanǵa kirýge ruqsat etilmeýimen baılanysty. Tek sáýir aıynda Nur-Sultan qalasy boıynsha Ashyq jobasyna qatysýshy obektilerden 212 úı karantınin buzýshy anyqtaldy, onyń ishinde 99 naýqas jáne 113 baılanysta bolǵan adam bar.
14 sáýirden bastap pılottyq jobaǵa kınoteatrlar jáne qoǵamdyq tamaqtaný (banket zaldary, ashana, fast-fýd jáne strıt-fýdtar túrindegi nysandardan bólek) nysandary, teatrlar, fılarmonııalar jáne erikti qatysýshylar qosyldy. Al 21 sáýirden bastap – oblysaralyq jáne qalalyq turaqty emes (týrıstik) jolaýshylar tasymaly, bılıard klýbtary men kontsert zaldary.
Qazirgi ýaqytta Ashyq qosymshasyna tirkelip, óz kásibin qaıta jandandyrǵysy keletin kásipkerlerdiń sany artyp keledi.
Búgingi kúni bıznes sýbektileri úshin jobaǵa qatysý erikti túrde júrgiziledi.
Qaladaǵy epıdemıologııalyq jaǵdaı turaqsyz bolyp qalýda. Osyǵan baılanysty, Nur-Sultan qalasynyń sanıtarlyq-epıdemıologııalyq baqylaý departamenti turǵyndardy barlyq shekteý sharalary men sanıtarlyq normalardy saqtaýǵa shaqyrady. Ásirese, ınfektsııanyń taralýyn tómendetýge jáne aýrý qaýpin azaıtý maqsatynda úı karantınindegi adamdar men kásipkerlik sýbektilerge sanıtarlyq dárigerdiń usynystaryn qatań saqtaý talap etiledi.
