Demalys kúnderi elordada 30 mas júrgizýshi ustaldy - Astana qalalyq JPB
ASTANA. 23 mamyr. QazAqparat - Demalys kúnderi elordada 30 mas júrgizýshi ustaldy, dep habarlady Astana qalalyq JPB baspasóz qyzmetinen.
Baspasóz qyzmetiniń atap ótýinshe, 21-22 mamyr kúnderi jol polıtsııasy qyzmetkerleri 1080 túrli dárejedegi jol erejesiniń buzylýyn anyqtaǵan. 30 júrgizýshi avtokólikti mas kúıinde basqarǵany úshin ustalsa, 119 adamǵa belgilengen jyldamdyqty asyrǵany úshin ákimshilik hattama toltyryldy.
Atalǵan kezeńde jol qozǵalysynyń qarsy betine shyǵyp ketýdiń 13 faktisi tirkelip, 19 azamat kólikti qujatsyz basqarǵan jáne 65 júrgizýshi rólde otyryp uıaly telefondy paıdalanǵan. Sonymen qatar 31 avtomobıl aıypturaǵyna qoıyldy.
