Demalys kúnderi elordada 13 jol kólik oqıǵasy tirkeldi
ASTANA. 15 shilde. QazAqparat - Qalada ótken aptada 13 jol-kólik oqıǵasy tirkelip, saldarynan 4 adam kóz jumyp, 16 adam túrli dárejede jaraqat aldy.
Bul týraly astana.kz saıtyna qalalyq Jol polıtsııasynan málim etti.
Tutastaı alǵanda, ótken aptada Astana jol polıtsııasynyń ınspektorlary 5 myńnan asa jol qozǵalysy erejesin buzýshylardy anyqtady. Olardyń 1,5 myńy qorshaǵan ortany lastaǵany úshin (tútinmen lastaǵan) ákimshilik jazaǵa tartyldy.
«Kólikti mas kúıinde júrgizgeni úshin 64 júrgizýshi, basyp ozý jáne oraǵytyp ótý erejesin buzǵany úshin - 404, jyldamdyqty arttyrǵany úshin - 345, joldyń qarsy baǵytyna shyǵyp ketkeni úshin - 62, jaıaý júrginshilerdi ótkizbegeni úshin - 72, jol ústine qoqys tastaǵany úshin 410 júrgizýshi jazalanyp, barlyǵy 1,5 myń ákimshilik materıal toltyryldy, - dep habarlaıdy JPB baspasóz qyzmetinen.
