Demalys kúnderi elimizdiń sý aıdyndarynda 4 adam qutqaryldy
NUR-SULTAN. QazAqparat - Ótken demalys kúnderi elimizdiń sý aıdyndarynda 4 adam qutqaryldy. Bul týraly Tótenshe jaǵdaılar komıtetinen málim etti, dep habarlaıdy QazAqparat tilshisi.
Atap aıtqanda, 8 maýsym kúni túnde qutqarýshylar Qapshaǵaı sý qoımasynyń soltústik-batysynda 1998 jyly dúnıege kelgen áıeldi taýyp alyp, jaǵalaýǵa jetkizdi.
Ol 7 maýsym kúni úrmeli qaıyqpen balyq aýlaýǵa shyqqan. Qatty jel qaıyqty jaǵalaýdan jyraqqa alyp ketken. Balyqshy medıtsınalyq kómekti qajet etken joq.
Al Shyǵys Qazaqstan oblysynda 3 balyqshy qutqaryldy. Olar jeke qutqarý quralynsyz úrmeli qaıyqpen balyq aýlaý úshin jaǵalaýdan 2 shaqyrym qashyqqa barǵan. Balyq aýlaý kezinde úrmeli qaıyqtyń jeli shyǵyp sýǵa bata bastaǵan.
Abyroı bolǵanda qutqarýshylar der ýaqytynda jetip, balyqshylardy «Mys dobroı Nadejdy» demalys bazasyna jetkizdi. Olar da medıtsınalyq kómekke júgingen joq.
