Demalys kúnderi elimizdiń shyǵysynda jel kúsheıip, burshaq jaýýy yqtımal
ASTANA. QazAqparat - Qazgıdromet aldaǵy demalys kúnderine, 28-30 shildege qatysty aýa raıy boljamyn jarııa etti, dep habarlaıdy QazAqparat.
«29 shildede ótkinshi jaýyn-shashyndardyń bolýyna qaramastan, respýblıkanyń soltústik óńirlerinde kúndiz aýa temperatýrasy 25-30 gradýsqa deıin kóteriledi. Bul Irannyń aýmaǵynan jyly aýa massalarynyń kóshýine baılanysty bolyp otyr.
Elimizdiń ońtústik-batysynda synap baǵanasy 40-42 gradýsqa deıin jetýi múmkin. Qazaqstannyń shyǵys óńirine tsıklon yqpal etedi. Ol salqyn ári dymqyl aýa ákeledi dep kútilýde. Sonyń saldarynan ótkinshi jańbyr jaýady, burshaq túsýi múmkin. Sondaı-aq, jel kúsheıip, aýa temperatýrasy qubylýy yqtımal», - delingen habarlamada.
