Demalys kúnderi elimizdiń ońtústik jáne shyǵys óńirlerinde kún ysıdy
ASTANA. QazAqparat - Eýropalyq Reseı men Batys Sibir óńirlerinde tsıklondardyń almasýy Qazaqstandaǵy aýa raıyna da óz áserin tıgizýde. Birneshe kúnnen beri respýblıkamyzda osy kezeńge tán temperatýradan 3-6º tómen bolyp tur.
Jaz aıynyń sońǵy kúnderi de elimizdiń batysy men soltústiginde aýa raıy sol qalpy saqtalady, dep habarlaıdy «Qazgıdromet» RMK.
Demalys kúnderi batys jáne soltústik oblystarda atmosferalyq aýa fronttarynyń ótýine baılanysty jańbyr jaýady, respýblıka ortalyǵynda 31 tamyz kúni jańbyrly bolady.
Qazaqstannyń ońtústiginde, ońtústik-shyǵysy men shyǵysynda antıtsıklon yqpalymen jaýyn-shashynsyz bolady, tipti, aýa temperatýrasy 30-35º deıin kóteriledi.
