Demalys kúnderi elimizdiń batysynda nóser jaýyn jaýady
NUR-SULTAN. QazAqparat - 22-24 tamyz kúnderi elimizdiń batysynda jáne ońtústik-batysyna qatty jańbyr jaýady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Aldaǵy úsh kún ishinde Qazaqstannyń basym bóligindegi aýa raıyn joǵary tsıklon anyqtaıdy. Sonyń áserinen jańbyr jaýady. Eldiń batysy men ońtústik-batysynda qatty jańbyr bolady.
Tek respýblıkanyń ońtústiginde, ońtústik-shyǵysynda jaýyn-shashynsyz aýa raıy saqtalady.
Keı jerlerde naızaǵaı jarqyldap, tuman túsedi, daýyl soǵady. Jel ekpini 15-20 m/s deıin kúsheıedi. Burshaq jaýýy múmkin.
Aýa temperatýrasyna keletin bolsaq, kúndizgi temperatýra 20-25 gradýsqa deıin tómendeýi múmkin.
Keı jerlerinde 28 gradýs jyly bolady dep boljanǵan batys jáne ońtústik-batys aımaqtarda aıtarlyqtaı ózgeris bolmaıdy.
