Demalys kúnderi elimizdiń basym bóliginde kún sýytyp, jańbyr jaýady
ASTANA. QazAqparat - 22-24 tamyz aralyǵynda Qazaqstannyń ońtústik aýmaǵyndaǵy sozylmaly aptap ystyq aıaqtalady, dep habarlaıdy «Qazgıdromet» RMK.
Bul aptaptyń joǵarǵy deńgeıin keshe almatylyqtar sezindi, ol jerde maksımaldy aýa temperatýrasy +39,2ºS - jetti, bul aldyńǵy maksımýmnan 3º tómen.
Aldaǵy demalys kúnderi Oral jáne Batys Sibirdiń soltústiginen shyqqan ylǵaldy salqyn aýa respýblıkamyzdyń ońtústik jáne ońtústik-shyǵys aýdandaryna jetedi. Bul jerlerde jańbyr jaýyp, naızaǵaı oınap, 15-20 m/s jel soǵady, shańdy boran men temperatýranyń tómendeýi kútiledi.
Taý jáne taýly aımaqtarda qatty nóser bolýy yqtımal. Aldaǵy úsh kúnde atmosferadaǵy soltústik aǵymdar saqtalady. Sondyqtan respýblıkanyń kóp bóliginde jańbyr jáne temperatýranyń kópjyldyq salystyrmaly mólsherinen 3-6º tómen bolýy kútiledi.
