Demalys kúnderi elimizdiń basym bóliginde qar jaýyp, boran soǵady
ASTANA. QazAqparat - 14-16 qarasha aralyǵynda Qazaqstan aýmaǵy arqyly jyljıtyn tsıklon jáne atmosferalyq fronttar onyń barlyq derlik oblystarynda jaýyn-shashyn týdyrady.
Aldaǵy demalys kúnderi respýblıkadaǵy aýa raıyna olardyń yqpaly saqtalady, dep habarlaıdy «Qazgıdromet» RMK.
Soltústik jáne shyǵys oblystarynda qar jaýyp, keı jerlerde boran soǵady, kóktaıǵaq bolady. Respýblıkanyń ońtústik bóliginde jańbyr sońy keı jerlerde jabysqaq qarǵa ulasady.
Qazaqstannyń shetki soltústik jáne soltústik-shyǵys aýdandaryndaǵy aýa raıyna antıtsıklon taý silemderi áser etetin bolady, onyń ortalyǵy Batys Sibirde ornalasqan, sondyqtan munda túngi temperatýra 15-20º aıazǵa deıin tómendeıdi, ol klımattyq normadan 4-8º tómen.
Qalǵan aýmaqta aýa temperatýrasy qalypty shamasynan aýytqymaıdy jáne odan 1-3º joǵary saqtalady.
