Demalys kúnderi elimizde aýa raıy qandaı bolmaq?
ASTANA. QazAqparat - Burynǵysha Qazaqstan aýmaǵynyń basym bóliginde atmosferalyq aǵyndardyń ótýine baılanysty aýa raıynyń qubylmalylyǵy saqtalady, boran men jeldiń ekpini azaımaıdy, tuman taǵy da túsedi, kóktaıǵaq bolady, dep habarlaıdy QR TJM-niń baspasóz qyzmeti "Qazgıdrometke" silteme jasap.
ShQO-da, Pavlodar oblysynda jel kúsheıip, sekýndyna 17-22 metrge deıin jetedi, jer taıǵaq bolady. Aqmola, Almaty oblysynda túnde jel 15-20 m/s deıin kúsheıedi, keı jerlerinde boran soǵyp, kóktaıǵaq bolady. Aqtóbe, Soltústik Qazaqstan, Qostanaı, Qaraǵandy oblystarynda da boran soǵady, jeldiń kúshi 15-20 m/s deıin jetedi, jer taıǵaq bolyp, tumandatady. Qyzylorda, Batys Qazaqstan, túnde Jambyl oblysynda, Ońtústik Qazaqstan oblysynyń keı jerlerinde tuman túsedi, kóktaıǵaq bolady, jel sekýynda 15-20 metrge deıin kúsheıedi. Mańǵystaý oblysynda da tumandatady, kúndiz jel kúsheıip, onyń kúshi 15-20 m/s deıin jetedi. Aldaǵy 3 kúnde Syrdarııa, Almaty, Jambyl oblystarynyń ózenderinde jáne Jaıyq ózeninde muz áli de erıdi. Ońtústik Qazaqstan oblysy men Jambyl oblysyndaǵy taýdyń etegindegi ózenderde sý deńgeıi joǵarylaıdy dep kútilýde. 15-16 naýryz kúnderi kúnniń jylynýyna baılanysty Almaty jáne Shyǵys Qazaqstan oblysynyń shaǵyn ózenderindegi qarǵyn sýlar tasýy múmkin.
