Demalys kúnderi eldiń soltústigi men shyǵysynda qar aralas jańbyr jaýady

ASTANA. QazAqparat – Sınoptıkter demalys kúnderi Qazaqstandaǵy aýa raıyna qatysty boljamyn jarııalady, dep habarlaıdy QazAqparat Qazgıdromet-ke silteme jasap.

Aldaǵy demalys kúnderi Qazaqstan aýmaǵy boıynsha batystan shyǵysqa qaraı jyljyǵan, ortalyǵy Barents teńiziniń ústinde ornalasqan tsıklon ózimen birge jańbyr ákeledi.

Eldiń soltústik, shyǵys jáne taýly aımaqtarynda túnde jáne tańerteń qar aralas jańbyr jaýýy múmkin. Tuman túsip, jel kúsheıedi. Ońtústik pen batysta shańdy daýyl turady. Tsıklon artynan Eýropa aımaqtarynan sýyq antıtsıklon jyljyp keledi. Ol jańa aptanyń basynda respýblıkanyń batysynda, sodan keıin soltústiginde jaýyn-shashyn toqtaıdy. Demalys kúnderi elimizdiń soltústiginde, shyǵysynda jáne ortalyǵynda túnde aýa temperatýrasy -3 gradýstan +5 gradýsqa deıin, kúndiz +3-13 gradýsqa deıingi aralyqty kórsetedi.

Respýblıkanyń batysynda túnde 1-9 gradýsqa deıin, al kúndiz aýa 15-25 gradýsqa deıin jylynady.

Ońtústikte túnde 1-6 gradýsqa deıin jyly, taýly aımaqtarda 2-7 gradýsqa deıin aıaz bolady, al kúndiz kún 12-20 gradýsqa deıin jyly bolady.