Demalys kúnderi eldiń ońtústigi men ońtústik shyǵysynda qar jaýady
ASTANA. QazAqparat - «Qazgıdromet» RMK naýryzdyń 4-i men 6-y kúnderine arnalǵan aýa-raıy boljamyn jarııa etti.
«Qazgıdromet» sınoptıkteriniń málimeti boıynsha, demalys kúnderi Qazaqstannyń kóptegen oblystarynyń aýa raıyn antıtsıklondar anyqtaıtyn bolady. Sonyń áserinen kún ala bultty, jaýyn-shashynsyz bolady. Biraq túngi jáne tańerteńgi ýaqyttarda tuman túsip, kórinis 200-500 metrge deıin shektelýi múmkin.
Aýa temperatýrasy klımattyq normadan 4-7ºS joǵary bolady dep kútiledi. Elimizdiń ońtústik jáne ońtústik-shyǵysy aldaǵy úsh táýlikte burynǵysynsha, tsıklondardyń yqpalynda bolady. Kóbine azdaǵan qar túsip, tuman, kók taıǵaq bolyp, aýa temperatýrasy normadan 1-3ºS tómen bolady dep kútilýde.
