Demalys kúnderi eldiń basym bóliginde aýa raıy jańbyrly bolady
ASTANA. QazAqparat - Qazgıdromet 23-25 shilde kúni Qazaqstannyń basym bóliginde jaýyn-shashyn oryn alatynyn boljap otyr, dep habarlaıdy sınoptıkter.
«Respýblıkamyzdyń shyǵys jáne batys bóliginde ornalasqan eki tsıklon, atmosferalyq fronttar júıesi arqyly ózara túıisti. Sondyqtan, demalys kúnderi Qazaqstan oblystarynyń basym bóliginde áli de turaqsyz aýa raıy, jaýyn-shashyn, naızaǵaı, keı jerlerde 15-23m/s ekpindi jel bolyp, Іle Alataýynda aldaǵy táýlikte nóser júredi», - delingen habarlamada.
Batys óńirde Reseıdiń evropalyq aýmaqtarynan yǵysqan tsıklon áserinen ystyqtyń beti qaıtyp, ótken túnde bastalǵan jańbyr, aldaǵy úsh táýlikte de jalǵasady.
