Demalys kúnderi Astanaǵa aılyq normadan asatyn qar tústi - ákimdik
«Qalanyń kommýnaldyq qyzmetteri táýlik boıy kúsheıtilgen rejımde jumys istep jatyr. «Qazgıdromet» RMK derekteri boıynsha, qaladaǵy jaýyn-shashynnyń aı saıynǵy normasy – 22 mm. Al keıingi úsh kúnde Astanaǵa 37,6 mm qar tústi.
Barlyq kommýnaldyq qyzmetter kúsheıtilgen jumys rejımine aýystyryldy. Qar tazalaý jumystarynda kún saıyn 2,2 myńnan astam jol jumysshysy, myńnan astam arnaıy tehnıka tartylyp otyr», - dep jazylǵan ákimdiktiń baspasóz qyzmeti usynǵan málimette.
Ákimdiktiń aqparatyna súıensek, sáýirdiń 16-synan 17-sine qaraǵan túni elorda aýmaǵynan 23 myń tekshe metrden astam nemese 1 671 mashına qar shyǵarylǵan.
«Qys bastalǵannan búginge deıin qar tógetin polıgondarǵa 4 mıllıon tekshe metrge jýyq qar shyǵaryldy. Bul 318 myńnan astam reıs degen sóz.
Kún raıynyń nasharlaýyna baılanysty qalada kólik qozǵalysynyń qarqyny tómendedi. Tótenshe jaǵdaılardyń aldyn alý úshin jol qozǵalysyna qatysýshylardan óte muqııat bolýdy suraımyz», - dep jazady ákimdik ókilderi.