Demalys kúnderi Astanada Jolda júrý erejeleriniń 1335 buzýshylyǵy anyqtaldy
ASTANA. 6 qyrkúıek. QazAqparat - Ótken senbi, jeksendi kúnderi Astana qalasynyń polıtseıleri jolda júrý erejeleriniń 1335 buzýshylyǵyn anyqtady.
Bul týraly qalalyq Jol polıtsııasy basqarmasynan málim etti.
Atap aıtqanda, kólikti mas kúıinde basqarǵany úshin 13 júrgizýshi, qarama-qarsy jolǵa shyǵyp ketkeni úshin - 22, kólikti qujattarsyz basqarǵany úshin - 49, qozǵalys barysynda uıaly telefon qoldanǵany úshin 87 júrgizýshi ustaldy. Sondaı-aq, mejelengen jyldamdyqty asyrǵan 112 temir tulpar ıesine ákimshilik hattamalar toltyryldy, taǵy 10 avtokólik aıyp turaǵyna jetkizildi.
