Demalys kúnderi Astanada Jolda júrý erejelerin buzǵan 992 júrgizýshi ustaldy
ASTANA. 17 qańtar. QazAqparat /Gúlmıra Álıakparova/ - Ótken demalys kúnderi Astanada Jolda júrý erejelerin buzǵan 992 júrgizýshi anyqtaldy. Bul týraly qalalyq Іshki ister departamenti Jol polıtsııasy basqarmasynan habarlady.
Habarlanǵandaı, 992 júrgizýshiniń 38-i avtokólikti mas kúıinde basqarǵany úshin ustaldy. Sondaı-aq kólik jyldamdyǵyn ruqsat etilgen mejeden asyrǵany úshin 68 júrgizýshige, qarama-qarsy jolǵa shyǵyp ketkeni úshin - 10 júrgizýshige, kólik quraly qanaǵattanarlyqsyz tehnıkalyq jaǵdaıda bolǵany úshin - 18, mashınany qujatsyz basqarǵany úshin - 17 jáne rólde otyryp uıaly telefon qoldanǵany úshin - 59 júrgizýshige ákimshilik hattamalar toltyryldy. 46 kólik aıyp turaǵyna qoıyldy.
