Demalys kúnderi Astanada jol qozǵalysy erejesin buzýdyń 500-ge jýyq oqıǵasy tirkeldi
ASTANA. 31 qańtar. QazAqparat - Demalys kúnderi Astanada júrgizýshiler tarapynan jol qozǵalysy erejesin buzýdyń 490 oqıǵasy tirkeldi, dep habarlaıdy jol polıtsııasy basqarmasynyń baspasóz qyzmeti.
Onyń ishinde 16 júrgizýshi kólikti mas kúıinde basqarǵany úshin quryqtaldy, 30 avtokólik ıesine bekitilgen jyldamdyqty asyrǵany úshin ákimshilik hattamalar toltyryldy, 9 júrgizýshi qarsy betke shyǵyp ketkeni úshin aıypqa tartyldy. 20 júrgizýshige avtokóliktiń qalypsyz tehnıkalyq jaǵdaıyna baılanysty aıyp salyndy. Avtokólikti tıisti qujattarsyz basqarǵan 12 júrgizýshi toqtatylyp, rólde uıaly telefonmen sóılesken 30 júrgizýshi quryqtaldy. Aıyp turaǵyna 23 avtokólik qoıyldy.
