Demalys kúnderi Astanada Jambyl oblysynyń jármeńkesi ótedi
ASTANA. QazAqparat - Aldaǵy demalys kúnderi Astanada Jambyl oblysynyń jármeńkesi ótedi, dep habarlaıdy QazAqparat qala ákimdiginiń saıtyna silteme jasap.
Astana qalasynyń 20 jyldyǵyna oraı 4-5 tamyz kúnderi elordada «Qazaqstan» sport kesheni aýmańǵynda ótetin aýyl sharýashylyǵy ónimderiniń kórme-jármeńkesine Jambyl oblysy men Taraz qalasynyń aýyl sharýashylyǵy taýar óndirýshileri keledi.
Jármeńkede jalpy quny 121,6 mln teńgeniń 365,7 tonna aýyl sharýashylyǵy taýarlary usynylady. Atap aıtqanda 30 tonna et (jylqy, sıyr, qoı jáne taýyq eti), 19 tonna sút ónimderi, 5 tonna shujyq ónimderi, 5 myń dana jumyrtqa, 5 tonna qaraqumyq, 5 tonna kúrish, 20 tonna qant, 6 tonna ósimdik maıy, 5 tonna balyq, 2,5 tonna bal, 1,5 tonna kondıterlik ónimder men 2 tonna makaron ónimderi, 0,5 tonna tuz, 2 tonna keptirilgen jemis jáne 257,2 tonna jemis-jıdek pen kókónis ónimderi.
Atalǵan jármeńke oblystyń taýar óndirýshilerine óz taýarlaryn deldalsyz, tikeleı tutynýshylarǵa satýǵa múmkindik beredi. Jármeńkedegi taýarlar baǵasy naryq baǵasynan 10-20 paıyz tómen bolady.
