Demalys kúnderi Astanada temir tulparlaryn mas kúıinde basqarǵan 24 júrgizýshi ustaldy
ASTANA. 28 naýryz. QazAqparat - Ótken demalys kúnderi Astananyń jol polıtseıleri kólikke mas kúıinde otyrǵan 24 júrgizýshini ustady.
Jol polıtsııasy basqarmasynan málim etkendeı, mejelengen jyldamdyqty asyrǵan taǵy 85 júrgizýshige, qarama-qarsy jolǵa shyǵyp ketken - 19, kólikteriniń tehnıkalyq jaǵdaıy qanaǵattanarlyqsyz bolǵan - 17, mashınaǵa tıisti qujattarsyz otyrǵan - 13 jáne qozǵalys kezinde uıaly telefon paıdalanǵan - 62 júrgizýshige ákimshilik hattamalar toltyryldy. 29 kólik aıyppul turaǵyna qoıyldy.
Osy kúnderi elordalyq jol polıtseıleri jolda júrý erejesin buzǵan barlyǵy 1500 kólik ıesin anyqtady.
