Demalys kúnderi Astanada Pavlodar oblysynyń jármeńkesi ótedi
ASTANA. QazAqparat - 13-14 qazanda elordada Pavlodar oblysynyń aýylsharýashylyq jármeńkesi ótedi, dep habarlaıdy QazAqparat.
Qala ákimdigi baspasóz qyzmetiniń málimetinshe, aldaǵy senbi, jeksenbi kúnderi Astanadaǵy «Qazaqstan» sport keshenini mańyndaǵy alańda Pavlodar oblysynyń aýylsharýashylyq taýar óndirýshileriniń qatysýymen jármeńke ótedi.
Jármeńkede oblystyń barlyq óńirleriniń 100-den astam qaıta óńdeýshi kásiporyndar men aýylsharýashylyq qurylymdary qatysady, olar 150 mln teńgeniń 541 tonna ónimin ákeledi. Onyń ishinde oblysta óndiriletin 55 tonnadan astam et jáne et ónimderi, 220 tonna kartop, 120 tonna kókónis jáne 146 tonnadan astam aýylsharýashylyq ónimi.
Respýblıkaǵa tanymal brend «Rýbıkom» JShS, «KEMMI» JShS, «Saǵyp» ShQ, «REGTaım» ShQ, «Krendel» JShS, «Zernograd» JShS, «Galıtskoe» JShS, «Sharbaqty Qus» JShS, «Qyzyljar-Qus» JShS, «Pobeda» JShS, «Aqtoǵaı Agro» JShS sııaqty kásiporyndar óziniń ónimin usynady. Pavlodarlyq kásiporyndar qala turǵyndaryna azyq-túlik ónimderiniń kóp túrin usynady. Sonymen qatar, jármeńkede «Shańyraq» mádenı-saýyqtyq ortalyǵynyń ujymdary kontsert qoıady.
