Demalys kúnderi Astanada kún jyly bolady
ASTANA. 11 qańtar. QazAqparat - Elordada jumys kúnderi aıaz boldy. Apta basynda aýa temperatýrasy kúrt tómendep, apta sońynda burqasyndatty. Demalys kúnderi qatty aıaz bolmaıdy. Bul týraly astana.kz saıtyna «Qazgıdromet» RMK habarlady.
Astanada demalys kúnderi kóshpeli bult shyǵady, jaýyn-shashynsyz bolady. Aýa temperatýrasy túnde -15;-11°C, kúndiz -8;-4°C deńgeıine jetýi yqtımal.
Senbi kúni elordada kún ala bultty, jaýyn-shashynsyz bolady. Ońtústik-batystan 9-14 m/s jyldamdyqpen jel soǵady. Túnde aýa temperatýrasy -13-15°C, kúndiz -6-8°C.
«Jeksenbi kúni elordada kóshpeli bult shyǵady, jaýyn-shashynsyz bolady. Ońtústik-batystan 9-14 m/s jyldamdyqpen jel soǵady. Túnde aýa temperatýrasy -11;-13°C, kúndiz -4-6°C bolady», - dep boljaıdy sınoptıkter.
